Teńiz ken ornynda karantin taǵy 14 kúnge sozyldy, dep habarlaidy "Ult aqparat".
Atyraý oblysynyń Teńiz kenishinde karantin shekteýleri 26 maýsymǵa deiin uzartyldy.
«Epidemiiaǵa qarsy sharalar kúsheidi. Atap aitqanda maska rejimi, qoǵamdyq orynda áleýmettik araqashyqtyqty ustaný, nysandarda sanitarlyq-epidemiologiialyq talaptardyń saqtalýyna qatysty sharalar qatań baqylaýǵa alyndy. Ónerkásip ornynan jumyskerlerdi shyǵarý nátijesine qarai personalǵa qatysty sheshim qabyldanady. Teńizdegi óndiris protsesi toqtamaityndyqtan ken ornyna kiretin jumysshylardyń tizimi aldyn ala daiyndalady. Vahtaǵa deiingi bes kún ishinde olar tes tapsyryp, oqshaýlanýy tiis. Tek altynshy kúni ǵana indet juqtyrmaǵany belgili bolǵan soń jumysqa kirisedi» delingen Jylyoi aýdany bas memlekettik sanitar dárigeriniń habarlamasynda.
Teńizden úiine qaitatyn jumyskerlerge de osyndai algoritm qoldanylady. Jumysshy test tapsyrady, bes kún oqshaýlanady. Koronavirýs joq bolsa úiine qaitady. Tek ol 14 kún boiy úiinen shyqpai, karantinde otyrýy kerek.
Odan bólek, bas sanitar arnaiy qaýly shyǵaryp, densaýlyq saqtaý basqarmasy men «Teńizshevroil» JShS-ne ken ornyndaǵy barlyq jumysshyny ári qarai da PTR testileý arqyly teksere berýdi tapsyrdy.
Kenishke kireberis pen shyǵaberistegi blokpostar ázirge alynbaidy.
