Atyraý oblysyndaǵy Teńiz kenishinde koronavirýs infektsiiasyn juqtyrýshy tirkelgen joq. Biraq, ken ornyndaǵy infektsiialyq statsionarda 342 naýqas jatyr, dep habarlaidy "Ult aqparat".
Oblystyq densaýlyq saqtaý basqarmasynyń baspasóz qyzmetinen málim etkendei, ótken táýlikte koronavirýs infektsiiasyna 408 adam shaldyqqan.
Onyń ishinde Atyraý qalasynda 323 jaǵdai rastalǵan. Teńiz ken ornynda naýqastar tabylǵan joq.
Qyzylqoǵa aýdanynda 18, Isataida – 16, Inderde – 15, Qurmanǵazyda – 15, Mahambette – 10 Maqatta – 6, Jylyoi aýdanynda 5 adamnan qaýipti virýstyń belgisi anyqtalǵan.
Qazir 4 867 adam úi jaǵdaiynda em-dom alyp jatyr.
«Aýdandardaǵy infektsiialyq statsionarlarda – 388, Teńiz ken ornyndaǵy statsionarda – 342, modýldik aýrýhanada – 205, №2 oblystyq aýrýhanada – 203, temirjol aýrýhanasynda – 113, kardiologiialyq ortalyqta – 103, ftiziopýlmonologiia ortalyǵynda – 83, oblystyq aýrýhanada 41 naýqas em qabyldaýda. Sondai-aq, infektsiialyq statsionarǵa laiyqtalǵan jataqhanalarda 114 patsient oqshaýlanǵan», - dep habarlady basqarmanyń baspasóz qyzmeti.
