Atyraý oblysyndaǵy Teńiz kenishinde 230 oryndyq infektsiialyq statsionar ashyldy, dep habarlaidy "Ult aqparat".
Tótenshe jaǵdai rejimin qamtamasyz etý jónindegi óńirlik jedel shtabtyń habarlaýynsha, infektsiialyq statsionar Atyraý qalasynda koronavirýs infektsiiasynyń taralýyna jol bermeý maqsatynda ashylǵan. Statsionar «PTShO» vaahtalyq kenti aýmaǵynda ornalasqan.
Atalǵan statsionarda 211 naýqas em qabyldap jatyr. Onyń ishinde 55 adamda qaýipti indettiń jeńil túri baiqalsa, 156 naýqastyń aýrýy simptomsyz ótýde.
«Infektsiialyq statsionarda jumys isteýge №2 oblystyq aýrýhananyń 25 qyzmetkeri jumyldyryldy. Olar – 3 dáriger, 16 orta jáne 6 kishi meditsina qyzmetkeri. Buǵan qosa taǵy qosymsha bir terapevt, bir infektsionist jáne 8 kishi meditsinalyq qyzmetker qajet» dep málim etti jedel shtabtan.
Sondai-aq, statsionarda TShO klinikasynyń 32 dárigeri men 30 orta meditsinalyq qyzmetkeri jumys isteidi.
«Qazirgi ýaqytta naýqastarmen bailanysta bolǵan 2000-nan astam adam karantinde jatyr. Epidemiologtar naýqastardy oqshaýlaý jumysyn júrgizýde. Karantin sharalary ýaqytyly engizilmei, blokpostar durys ornatylmaǵan kezde epidemiologiialyq jaǵdai baqylaýdan shyǵyp, infektsiia oblys ortalyǵyna taralýy múmkin edi» dep túsindirdi jedel shtabtan.
«PTShO» vahtalyq kentiniń aýmaǵynda analiz jinap, óńdeýmen Ulttyq saraptama ortalyǵynyń Atyraý oblystyq filialy, «Olimp» jáne oblystyq obaǵa qarsy kúres stantsiiasynyń mobildi zerthanasy ainalysýda. Búgin munda respýblikalyq Ulttyq saraptama ortalyǵynyń zerthanasy da jumysyn bastaidy.
Buǵan deiin Teńiz ken ornynda 80 oryndyq provizorlyq statsionar men 610 oryndyq karantindik statsionar ashylǵan.
