QR Energetika ministrliginiń alqa májilisinde vedomstvo basshysy Nurlan Noǵaev Teńiz ken ornyndaǵy jumystar týraly baiandady, dep habarlaidy QazAqparat tilshisi.
«Teńiz ken ornynda quny 45,2 mlrd AQSh dollaryn quraityn Keleshekte keńeitý jobasy iske asyrylyp jatyr. Jobany 2023 jyly aiaqtaý kútilip otyr, bul óndiristi jylyna 12 mln tonnaǵa deiin ulǵaitýǵa múmkindik beredi. Jobadaǵy qazaqstandyq qamtý kólemi 36 paiyz», - dedi ministr.
Onyń aitýynsha, qazirgi kezde jumystar kestege sáikes júrgizilip jatyr, joba boiynsha jalpy progress 81 paiyzdy quraidy.
«2021 jyly jumystar progresiniń kútiletin deńgeii 90 paiyzdy quraityn bolady», - dedi N. Noǵaev.
Budan buryn habarlanǵandai, 2021 jyly Qazaqstanda munai óndirý kólemi 86 mln tonnaǵa deiin ulǵaitylýy múmkin.
