قر ەنەرگەتيكا مينيسترلٸگٸنٸڭ القا مەجٸلٸسٸندە ۆەدومستۆو باسشىسى نۇرلان نوعاەۆ تەڭٸز كەن ورنىنداعى جۇمىستار تۋرالى باياندادى, دەپ حابارلايدى قازاقپارات تٸلشٸسٸ.
«تەڭٸز كەن ورنىندا قۇنى 45,2 ملرد اقش دوللارىن قۇرايتىن كەلەشەكتە كەڭەيتۋ جوباسى ٸسكە اسىرىلىپ جاتىر. جوبانى 2023 جىلى اياقتاۋ كٷتٸلٸپ وتىر, بۇل ٶندٸرٸستٸ جىلىنا 12 ملن تونناعا دەيٸن ۇلعايتۋعا مٷمكٸندٸك بەرەدٸ. جوباداعى قازاقستاندىق قامتۋ كٶلەمٸ 36 پايىز», - دەدٸ مينيستر.
ونىڭ ايتۋىنشا, قازٸرگٸ كەزدە جۇمىستار كەستەگە سەيكەس جٷرگٸزٸلٸپ جاتىر, جوبا بويىنشا جالپى پروگرەسس 81 پايىزدى قۇرايدى.
«2021 جىلى جۇمىستار پروگرەسٸنٸڭ كٷتٸلەتٸن دەڭگەيٸ 90 پايىزدى قۇرايتىن بولادى», - دەدٸ ن. نوعاەۆ.
بۇدان بۇرىن حابارلانعانداي, 2021 جىلى قازاقستاندا مۇناي ٶندٸرۋ كٶلەمٸ 86 ملن تونناعا دەيٸن ۇلعايتىلۋى مٷمكٸن.
