Atyraý oblysyndaǵy Teńiz ken ornynda jumys isteitin qyzmetkerlerdiń 92 paiyzy koronavirýs infektsiiasyna qarsy vaktsina saldyrdy, dep habarlaidy "Ult aqparat".
«Teńizshevroil» JShS baspasóz qyzmetiniń málimetinshe, ken ornyna jumysqa tartylǵan 48 myńnan astam adam vaktsinanyń I komponentin ektirgen. Onyń ishinde 37 myńnan astamy vaktsina tolyq komponentin alǵan.
«Kompaniia ken ornynda qaýipti virýstyń taralýyn boldyrmaý úshin qyzmetkerler men jumysshylardyń vaktsina saldyrýyna bar múmkindikti jasap otyr. «Teńizshevroil» JShS men seriktes mekemelerdiń qyzmetkerleri Atyraý, Qulsary, Nur-sultan, Almaty, Oral, Aqsai, Shymkent, Aqtóbe, Aqtaý, Qyzylorda, Taraz, Kókshetaý, Túrkistan, Taldyqorǵan jáne Jańaózen qalalaryndaǵy «Mediker» ortalyqtarynda vaktsina saldyra alady. Bul elimizdiń basqa óńirlerinde turatyn áriptesterimiz úshin yńǵaily», - dep habarlady kompaniianyń baspasóz qyzmeti.
