Atyraý oblysyndaǵy Teńiz ken ornynda 30-dan astam jumysshy tamaqtan ýlanyp qaldy. Olardyń keibiri ken ornyndaǵy meditsinalyq klinikaǵa jatqyzyldy, dep habarlaidy QazAqparat.
Teńiz ken orny Jylyoi aýdanynyń ortalyǵy – Qulsary qalasynan 100 shaqyrymnan astam qashyqta ornalasqan. Ken ornyndaǵy investitsiialyq jobalardy iske asyrýǵa birneshe otandyq jáne sheteldik kompaniia merdigerlikke tartylǵan.
Sonyń biri – otandyq ISKER JShS. Atalǵan kompaniianyń 30-dan astam jumysshysy vahtalyq kenttegi ashanadan túski as ishken soń ýlanyp qalǵan.
Tamaq ishkennen keiin ózderin jaisyz sezingen jumysshylar dárigerlik kómekke júgingen. Olarǵa «ortasha aýyrlyqtaǵy diareia» diagnozy qoiyldy.
Teńiz ken ornyndaǵy meditsinalyq klinikada tamaqtan ýlanǵan jumysshylarǵa alǵashqy kómek kórsetilgen. Sodan soń olardyń bir toby klinikaǵa jatqyzylǵan.
Jeńil dárejede zardap shekken jumysshylardyń keibiri jataqhanaǵa jiberilgen.
«Teńizshevroil» JShS-niń baspasóz qyzmeti atalǵan oqiǵaǵa bailanysty aqparatty keiin berýge ýáde etti.
