اتىراۋ وبلىسىنداعى تەڭٸز كەن ورنىندا 30-دان استام جۇمىسشى تاماقتان ۋلانىپ قالدى. ولاردىڭ كەيبٸرٸ كەن ورنىنداعى مەديتسينالىق كلينيكاعا جاتقىزىلدى, دەپ حابارلايدى قازاقپارات.
تەڭٸز كەن ورنى جىلىوي اۋدانىنىڭ ورتالىعى – قۇلسارى قالاسىنان 100 شاقىرىمنان استام قاشىقتا ورنالاسقان. كەن ورنىنداعى ينۆەستيتسييالىق جوبالاردى ٸسكە اسىرۋعا بٸرنەشە وتاندىق جەنە شەتەلدٸك كومپانييا مەردٸگەرلٸككە تارتىلعان.
سونىڭ بٸرٸ – وتاندىق ISKER جشس. اتالعان كومپانييانىڭ 30-دان استام جۇمىسشىسى ۆاحتالىق كەنتتەگٸ اسحانادان تٷسكٸ اس ٸشكەن سوڭ ۋلانىپ قالعان.
تاماق ٸشكەننەن كەيٸن ٶزدەرٸن جايسىز سەزٸنگەن جۇمىسشىلار دەرٸگەرلٸك كٶمەككە جٷگٸنگەن. ولارعا «ورتاشا اۋىرلىقتاعى ديارەيا» دياگنوزى قويىلدى.
تەڭٸز كەن ورنىنداعى مەديتسينالىق كلينيكادا تاماقتان ۋلانعان جۇمىسشىلارعا العاشقى كٶمەك كٶرسەتٸلگەن. سودان سوڭ ولاردىڭ بٸر توبى كلينيكاعا جاتقىزىلعان.
جەڭٸل دەرەجەدە زارداپ شەككەن جۇمىسشىلاردىڭ كەيبٸرٸ جاتاقحاناعا جٸبەرٸلگەن.
«تەڭٸزشەۆرويل» جشس-نٸڭ باسپاسٶز قىزمەتٸ اتالعان وقيعاعا بايلانىستى اقپاراتتى كەيٸن بەرۋگە ۋەدە ەتتٸ.
