Foto: Ulttyq bank
Ulttyq bank teńgeniń qandai banknottary ainalymnan shyǵyp, qai banknottar ainalymǵa túsetinin málimdedi.
Búgingi tańda 10 000, 2 000 jáne 1 000 teńgeniń jańa dizaindaǵy banknottary shyqqan.
Ulttyq banktyń habarlaýynsha, eski jáne jańa banknottardyń ainalymda bolýy ýaqyttary:
2 000 teńgeniń ainalymda bolý ýaqyty- 2026 jylǵy 24 maýymǵa deiin;
10 000 teńgeniń ainalymda bolý ýaqyty - 2026 jylǵy 27 maýsymǵa deiin;
1 000 teńgeniń ainalymda bolý ýaqyty - 2027 jylǵy 27 naýryzǵa deiin belgilengen.
Qazaqstanda sondai-aq jańa úlgidegi eki banknottyń ainalymǵa shyǵarylýy da josparlanǵan.
"Jańa úlgidegi 500 teńgeniń banknotyn 2025 jylǵy tórtinshi jartyjyldyqta, 20 000 teńgeniń banknotyn - 2026 jyly ainalymǵa shyǵarý josparlanǵan", - delingen aqparatta.
Budan basqa, Ulttyq bank 24 qyrkúiekten bastap 5 000 teńgeniń eski jáne jańa banknottaryn birdei qoldaný toqtatylatynyn habarlady.
"Bul rette 2025 jylǵy 25 qyrkúiekten bastap barlyq bankter jáne Qazposhta eski banknottardy jańasyna úsh jyl ishinde, Ulttyq bank merzimsiz aýystyrady ", - dep habarlady Ulttyq bank.
