Teńgeniń quldyraýy ushaq biletteriniń baǵasyna esh áser etpeidi. Investitsiialar jáne damý ministri Jeńis Qasymbek osylai dedi. Onyń pikirinshe, baǵanyń sharyqtaýyna áser etetin faktorlar ázirge turaqty. Bul týraly "Ult aqparat" Astana telearnasyna silteme jasap habarlaidy.
Sondyqtan áýe hám temir jol biletteriniń qymbattaýyna negiz joq.
«Bilet qunyna ne áser etedi? Aldymen ol, árine, aviakerosin jáne, ekinshiden, lizingte ushaqtary bolsa. Búgin aviakerosinniń baǵasy turaqty. Eger ol turaqty bolsa, bilet baǵasy da turaqty bolady degen sóz. Byltyr, mysaly, janarmai tapshylyǵy bolǵan edi, biraq ol bilet qunyna áser etken joq. Onyń ústine biz keler jyly áýe janarmaiyna degen tapshylyqty tolyq joiamyz dep otyrmyz», - dedi QR Investitsiialar jáne damý ministri Jeńis Qasymbek.
Eske salsaq, keshe ǵana Úkimet otyrysynda Ulttyq ekonomika ministri áýe qyzmetiniń quny byltyrmen salystyrǵanda 18,5%-ǵa qymbattaǵanyn aitqan.
