Foto: Zakon.kz
Buǵan, álbette, AQSh-taǵy prezident sailaýynyń nátijesi aitarlyqtai yqpal etti. D.Tramptyń jeńisi AQSh dollaryn kúsheitip, damýshy elderdiń valiýtalary, sonyń ishinde teńge de álsiredi, dep habarlaidy Ult.kz.
QR Ulttyq bank tóraǵasynyń orynbasary Áliia Moldabekovanyń aitýynsha, negizgi álemdik valiýtalarǵa shaqqandaǵy dollar baǵamyn kórsetetin DXY indeksi qyrkúiek aiynyń sońynda 100,8 tarmaqta tómen mánge jetkennen keiin 5%-ǵa deiin nyǵaiyp, 105,5 tarmaqqa deiin ósti. EM valiýtalarynyń indeksi qyrkúiek aiynyń sońynan 4,2%-ǵa tómendedi (11 qarashadaǵy jaǵdai boiynsha).
Vedomstvo atap ótkendei, munai kotirovkalary da qalypty túrde tómendep, 1 barreli 74-75 AQSh dollarynan 71,83 AQSh dollaryna deiin tústi (2024 jylǵy 11 qarashadaǵy jaǵdai boiynsha). Sebebi áleýetti saýda bajdary men D.Tramptyń prezidenttik kezeńinde AQSh-tan kóptep munai jetkizýdiń ózi shamadan tys artyq usynysqa ákeledi degen ekonomisterdiń boljamy áser etti. Onyń ústine, qýatty dollar – qashanda shikizat taýarlary úshin negativti faktor sanalady.
Sondai-aq, Ulttyq bank shetel valiýtasyna usynys aitarlyqtai tómendep, oǵan degen suranystyń bir mezgilde óskenin jazdy. Bul óz kezeginde teńge baǵamynyń álsireýine yqpal etti. Qarashanyń basynan beri ulttyq valiýtanyń birjalyq saýda-sattyqtaǵy baǵamy 1,4%-ǵa álsirep, 1 AQSh dollary úshin 495 teńgege jetti.
QRUB Tóraǵasynyń orynbasary Áliia Moldabekova spekýliativtik sipattaǵy mámilelerdiń kóbeigeni de teńgeniń álsireýine yqpal etkenin atap ótti. Bul óz kezeginde aiyrbas baǵamyn tym qubyltyp jiberdi.
Aitýynsha, Ulttyq Bank ishki valiýta naryǵyndaǵy jaǵdaidy qadaǵalap otyr. Aǵymdaǵy úrdister, ásirese, spekýliativti kóńil-kúi saqtalǵan jaǵdaida, ádil baǵam qalyptastyrýdy qalpyna keltirý úshin jáne ulttyq valiýta baǵamynyń kúrt ózgerýine jol bermeý úshin Ulttyq Bank jedel áreket etip, valiýtalyq interventsiia júrgizýge daiyn.
Aita keteiik, buǵan deiin dollar baǵamy kóterilgenin jazǵan bolatynbyz.
