Qarjy ministri Erulan Jamaýbaev teńge dollar men rýblge táýeldi bolýyn qashan toqtatatynyn aitty, dep habarlaidy Sputnik Qazaqstan.
Úkimet kýlýarynda BAQ ókilderi ministrden "Teńgeniń dollar men rýblge táýeldi bolmaityn kúni týa ma?" dep surady.
"Iá, – dedi Jamaýbaev. – Bul tólem balansy turaqtalyp, eksporttyq operatsiia men aǵymdaǵy shot importtyq operatsiiany japqan kezde, iaǵni valiýtalyq túsimder, óndiristik sektor men eksporttan túsetin paida ájeptáýir kóbeigen kezde bolady".
Ministr Úkimet importty almastyrý boiynsha úlken baǵdarlamany júzege asyryp jatqanyn atap ótti.
"Biz importty azaityp, el ishinde kóbirek óndirsek, óndirilgen ónim esebinen eksporttyq paida tabamyz. Sol kezde valiýta aǵyny elge keledi", - dep túsindirdi Jamaýbaev.
Alaida ministr qazir bul protsess qansha paiyzǵa oryndalyp jatqanyn naqtylamady.
