Foto: Pexels.com
Qarashanyń sońynda teńgeniń aiyrbas baǵamy kúrt álsirep, bir AQSh dollary 518-519 teńge shamasynda saýdalanýda. Bul kórsetkish keshegi kúnmen salystyrǵanda 2,4%-ǵa tómendedi, al 28 qarashadaǵy ortasha baǵam 512,58 teńgeni qurady, dep habarlaidy Ult.kz.
Ulttyq bank málimdegendei, valiýta baǵamynyń quldyraýyna birneshe syrtqy jáne ishki faktorlar áser etýde. AQSh dollarynyń jahandyq nyǵaiýy, geosaiasi jaǵdaidyń shielenisýi jáne shikizat baǵasynyń qubylýy – negizgi sebepterdiń biri. DXY indeksi qarasha aiynyń basynan beri 2,2%-ǵa ósip, 106,2 pýnktke jetti, bul damýshy naryqtardyń valiýtalaryna qysym jasaidy. Sonymen qatar, Resei rýbliniń álsireýi de teńgege qosymsha áser etýde.
Ishki naryqta shetel valiýtasyna suranys joǵarylap, usynys shektelgen. Ulttyq Banktiń málimetinshe, qarashadaǵy saýda-sattyq kólemi ótken jylmen salystyrǵanda 1,5 esege ósken. Bul jaǵdai aiyrbas baǵamynyń turaqsyzdanýyna yqpal etti.
Ulttyq Bank teńgeniń artyq qubylmalylyǵyn tómendetý úshin qajetti sharalardy qabyldaýǵa daiyn ekenin málimdedi. Olar valiýta naryǵyna turaqty monitoring júrgizip, qajet bolǵan jaǵdaida interventsiialar jasaitynyn jetkizdi. Bank aiyrbas baǵamynyń belgili bir deńgeiine baǵyttalmaitynyn, onyń irgeli faktorlar negizinde qalyptasatynyn atap ótti.
Májilis depýtaty Elnur Beisembaev Ulttyq banktiń valiýta saiasatyna qatysty ustanymyn qatań synǵa alǵan.
