Foto: QTJ
Memleket basshysynyń Jarlyǵymen Qazaqstan temir joly ulttyq kompaniiasynyń ardageri Qaltai Sámbetovke elimizdiń temirjol salasy men kólik infraqurylymyn damytýǵa qosqan airyqsha úlesi úshin joǵary memlekettik marapat – «Qazaqstannyń Eńbek Eri» ataǵy berildi, dep habarlaidy Ult.kz.
Oǵan «Altyn juldyz» belgisi men «Otan» ordeni tabystaldy.
Qaltai Sámbetov uzaq jyldar boiy temirjol salasynda eńbek etip, strategiialyq mańyzy bar jobalardy júzege asyrýǵa, salada zamanaýi tehnologiialar men basqarý júiesin engizýge ólsheýsiz úles qosty. Onyń qajyrly eńbegi men kásibi tájiribesi Qazaqstan kólik júiesiniń damýyna zor serpin berdi.
Aita keteiik, «Qazaqstannyń Eńbek Eri» ataǵy – elimizdiń áleýmettik-ekonomikalyq jáne mádeni damýyna eleýli úles qosqan azamattarǵa beriletin eń joǵary erekshelik belgi.
