Biyl elimizde kómir tasymaldaýda temirjol tarifi qandai jáne baǵa ózgerýi múmkin be? Bul suraqqa «Qazaqstan temir joly «Júk tasymaly» JShS bas direktorynyń orynbasary Qanat Kóbesov jaýap berdi, dep habarlaidy QazAqparat.
«Kómir tasymaly boiynsha temirjol tarifine qatysty aitarym, baǵanyń ósýi bolǵan joq jáne jyl sońyna deiin baǵany ózgertý josparlanbaǵan. Sondai-aq, basqa júktermen salystyrǵanda kómir tasymaldaý tarifiniń eń tómen ekenin aitqym keledi. Mysaly, kómirdi tasymaldaý baǵasy qara metaldy tasymaldaýmen salystyrǵanda 5 ese tómen, qara metall synyqtary boiynsha 4 ese jáne orman júkterinen 2,5 esege arzan», - dedi Qanat Kóbesov «Samuryq-Qazyna» AQ alańynda onlain ótken baspasóz máslihatynda.
Onyń aitýynsha, el ishinde kómir tasymaldaýdaǵy kólik shyǵyny orta eseppen 8 paiyzdy quraidy.
Odan bólek, spiker kómir tasymaldaityn temirjol vagondaryna qatysty málimetpen bólisti.
«Búginde QR temirjol jelisinde ashyq vagondar parki jetkilikti. El aýmaǵynda 64 myńnan astam ashyq vagon bar, olardyń 55% qatty otyndy tasymaldaýǵa tartylǵan. Onyń ishinde 21 myńnan astam ashyq vagon bizdiń kompaniianyń enshilesi «Qaztemirtrans» AQ-ǵa tiesili, ol vagondardyń 66% kómir tasymaldap jatyr», - deidi ol.
