بيىل ەلٸمٸزدە كٶمٸر تاسىمالداۋدا تەمٸرجول تاريفٸ قانداي جەنە باعا ٶزگەرۋٸ مٷمكٸن بە? بۇل سۇراققا «قازاقستان تەمٸر جولى «جٷك تاسىمالى» جشس باس ديرەكتورىنىڭ ورىنباسارى قانات كٶبەسوۆ جاۋاپ بەردٸ, دەپ حابارلايدى قازاقپارات.
«كٶمٸر تاسىمالى بويىنشا تەمٸرجول تاريفٸنە قاتىستى ايتارىم, باعانىڭ ٶسۋٸ بولعان جوق جەنە جىل سوڭىنا دەيٸن باعانى ٶزگەرتۋ جوسپارلانباعان. سونداي-اق, باسقا جٷكتەرمەن سالىستىرعاندا كٶمٸر تاسىمالداۋ تاريفٸنٸڭ ەڭ تٶمەن ەكەنٸن ايتقىم كەلەدٸ. مىسالى, كٶمٸردٸ تاسىمالداۋ باعاسى قارا مەتالدى تاسىمالداۋمەن سالىستىرعاندا 5 ەسە تٶمەن, قارا مەتالل سىنىقتارى بويىنشا 4 ەسە جەنە ورمان جٷكتەرٸنەن 2,5 ەسەگە ارزان», - دەدٸ قانات كٶبەسوۆ «سامۇرىق-قازىنا» اق الاڭىندا ونلاين ٶتكەن باسپاسٶز مەسليحاتىندا.
ونىڭ ايتۋىنشا, ەل ٸشٸندە كٶمٸر تاسىمالداۋداعى كٶلٸك شىعىنى ورتا ەسەپپەن 8 پايىزدى قۇرايدى.
ودان بٶلەك, سپيكەر كٶمٸر تاسىمالدايتىن تەمٸرجول ۆاگوندارىنا قاتىستى مەلٸمەتپەن بٶلٸستٸ.
«بٷگٸندە قر تەمٸرجول جەلٸسٸندە اشىق ۆاگوندار پاركٸ جەتكٸلٸكتٸ. ەل اۋماعىندا 64 مىڭنان استام اشىق ۆاگون بار, ولاردىڭ 55% قاتتى وتىندى تاسىمالداۋعا تارتىلعان. ونىڭ ٸشٸندە 21 مىڭنان استام اشىق ۆاگون بٸزدٸڭ كومپانييانىڭ ەنشٸلەسٸ «قازتەمٸرترانس» اق-عا تيەسٸلٸ, ول ۆاگونداردىڭ 66% كٶمٸر تاسىمالداپ جاتىر», - دەيدٸ ول.
