Temirtaýlyq on jeti jasar veloshabandoz Kirill Kýrdidi velosporttan Álem chempionatynda qola júldege ie boldy. Jarys Kairde (Egipet) ótti, dep habarlaidy QazAqparat.
Jarysqa 45 elden 500-den astam sportshy qatysty. Qazaqstan ulttyq quramasynyń qataryna Qaraǵandy oblysynan úsh sportshy kirdi.
Kirill Kýrdidi 1000 metr qashyqtyqqa baǵyttalǵan gitte qola medal jeńip aldy.
Git – bul jeke velotrek jarysynyń bir túri. Mundai jarysta sáttiliktiń negizgi komponentteri – kúsh pen tehnika. Nátije sekýndtyń myńdyq úlesine deiingi dáldikpen tirkeledi.
«Kirill 11 jasynan bastap velosportpen ainalysady. Trek jáne tas jol siiaqty baǵdarlamalar túrinde jattyǵady. Onyń osy sátti óner kórsetýine deiin de sporttaǵy jeńisteri jeterlik. Qazaqstan chempionattarynyń kúmis medaldary, 2021 jyly qysqy respýblikalyq birinshilikte komandalyq sprintte jeńiske jetse, keiin jarysta ekinshi oryn aldy», - dep málimdedi Qaraǵandy oblysynyń dene shynyqtyrý jáne sport basqarmasynda.
Veloshabandozdyń alǵashqy tálimgeri – joǵary deńgeidegi jattyqtyrýshy Elena Polenova. Qazirgi ýaqytta sportshyny olimpiadalyq daiarlaý ortalyǵynyń trek-sprint boiynsha aǵa jattyqtyrýshysy Ivan Sivash jattyqtyrady.
