Temirtaý qalasynyń politsiia qyzmetkerleri tehnikalyq sýǵa toly shuńqyrǵa batyp bara jatqan 11 jastaǵy balany qutqardy, dep habarlaidy "Ult aqparat".
18 aqpanda Temirtaý qalasynyń 117 oramynda «ArcelorMittal Temirtaý» AQ sý qubyry jarylyp, osyǵan bailanysty patrýldik politseiler jol qozǵalysyn toqtatýǵa májbúr bolǵan. Saǵat 18.00-ge jýyq patrýldik nariadqa áiel adam júgirip kelip, shuńqyrǵa batyp bara jatqan balany qutqarýdy surady.
Temirtaý qalasy IIB patrýldik politsiia batalonynyń vzvod komandiri politsiia aǵa leitenanty Ashat Jákenov dereý oqiǵa ornyna kelip, sýǵa belýardan kirip ketken balany kórgen. Tártip saqshysy balany sýǵa toly shuńqyrdan shyǵaryp alyp, arqasyna otyrǵyzyp, ony qaýipsiz jerge alyp shyqqan. Patrýldik mashinada oqýshynyń sý bolyp qalǵan aiaq kiimi men kiimderin sheship, balany politseidiń kúrteshesine orap orap alǵan.
«Ashat Djakenov baladan anasynyń telefon nómirin bilip, onymen bailanysyp, balasynyń sýǵa túsip, ony shyǵaryp, úiine jetkizetinin habarlady. Anasy ulyn úidiń aýlasynda kútip turdy», - dep habarlaidy Qaraǵandy oblysy PD baspasóz qyzmeti.
Alaida, 117 oramdaǵy úilerge kirme joldar sý astynda qalǵandyqtan patrýldik politsiia batalony komandiriniń orynbasary politsiia kapitany Áset Bulanbaevqa balany óz kúrteshesine orap, Tótenshe jaǵdailar basqarmasynyń qyzmetkerlerine berýge týra keldi. Qutqarýshylar balany úige jol talǵamaityn kólikpen jetkizdi.
