تەمٸرتاۋ قالاسىنىڭ پوليتسييا قىزمەتكەرلەرٸ تەحنيكالىق سۋعا تولى شۇڭقىرعا باتىپ بارا جاتقان 11 جاستاعى بالانى قۇتقاردى, دەپ حابارلايدى "ۇلت اقپارات".
18 اقپاندا تەمٸرتاۋ قالاسىنىڭ 117 ورامىندا «ArcelorMittal تەمٸرتاۋ» اق سۋ قۇبىرى جارىلىپ, وسىعان بايلانىستى پاترۋلدٸك پوليتسەيلەر جول قوزعالىسىن توقتاتۋعا مەجبٷر بولعان. ساعات 18.00-گە جۋىق پاترۋلدٸك ناريادقا ەيەل ادام جٷگٸرٸپ كەلٸپ, شۇڭقىرعا باتىپ بارا جاتقان بالانى قۇتقارۋدى سۇرادى.
تەمٸرتاۋ قالاسى ٸٸب پاترۋلدٸك پوليتسييا باتالونىنىڭ ۆزۆود كومانديرٸ پوليتسييا اعا لەيتەنانتى اسحات جەكەنوۆ دەرەۋ وقيعا ورنىنا كەلٸپ, سۋعا بەلۋاردان كٸرٸپ كەتكەن بالانى كٶرگەن. تەرتٸپ ساقشىسى بالانى سۋعا تولى شۇڭقىردان شىعارىپ الىپ, ارقاسىنا وتىرعىزىپ, ونى قاۋٸپسٸز جەرگە الىپ شىققان. پاترۋلدٸك ماشينادا وقۋشىنىڭ سۋ بولىپ قالعان اياق كيٸمٸ مەن كيٸمدەرٸن شەشٸپ, بالانى پوليتسەيدٸڭ كٷرتەشەسٸنە وراپ وراپ العان.
«اسحات دجاكەنوۆ بالادان اناسىنىڭ تەلەفون نٶمٸرٸن بٸلٸپ, ونىمەن بايلانىسىپ, بالاسىنىڭ سۋعا تٷسٸپ, ونى شىعارىپ, ٷيٸنە جەتكٸزەتٸنٸن حابارلادى. اناسى ۇلىن ٷيدٸڭ اۋلاسىندا كٷتٸپ تۇردى», - دەپ حابارلايدى قاراعاندى وبلىسى پد باسپاسٶز قىزمەتٸ.
الايدا, 117 ورامداعى ٷيلەرگە كٸرمە جولدار سۋ استىندا قالعاندىقتان پاترۋلدٸك پوليتسييا باتالونى كومانديرٸنٸڭ ورىنباسارى پوليتسييا كاپيتانى ەسەت بۇلانباەۆقا بالانى ٶز كٷرتەشەسٸنە وراپ, تٶتەنشە جاعدايلار باسقارماسىنىڭ قىزمەتكەرلەرٸنە بەرۋگە تۋرا كەلدٸ. قۇتقارۋشىلار بالانى ٷيگە جول تالعامايتىن كٶلٸكپەن جەتكٸزدٸ.
