Búgin Temirtaý mańynda jol apaty bolyp, 36 jastaǵy er adam men onyń 10 jasar uly qaza tapty, dep habarlaidy "Ult aqparat".
Jol-kólik oqiǵasy tańerteń Nurqazǵan kenishi aýdanynda Temirtaý qalasyna jaqyn mańda boldy.
Júk kóligi men jeńil kóliktiń soqtyǵysýynan 36 jastaǵy er adam men onyń 10 jasar uly kóz jumǵan.
28 shilde kúni saǵat 09.00 shamasynda Lada Granta avtokóliginiń 40 jastaǵy júrgizýshisi Aqtaý kenti jaǵynan Temirtaý qalasyna qarai jyljyp, Nurqazǵan kenishine burylatyn tusta 34 jastaǵy júrgizýshi basqaryp otyrǵan NOWO avtokóligimen soqtyǵysqan.
«Ol shahtaǵa qarai solǵa burylý manevrin jasady. Soqqydan Lada Granta avtokóligi jol shetine ushyp ketken. Jol apaty saldarynan Lada Granta avtokóliginiń 36 jastaǵy jáne 10 jasar jolaýshylary oqiǵa ornynda kóz jumdy»,-dep habarlady Qaraǵandy oblysy PD baspasóz qyzmeti.
Lada Granta júrgizýshisi meditsinalyq mekemege jetkizildi.
«Naýqas polijaraqat bólimine mynadai diagnozdarmen jatqyzyldy: oń jaqtaǵy jambas súiektiń oń qanatynyń jabyq synyǵy, asyqty jiliktiń aidarshyq býynynyń jáne oń jaq jilinshiktiń asyq jilik shybyǵynyń proksimaldy bóliginiń jabyq synyǵy, oń jaq tize býynynyń gemartrozy, oń keýde, oń iyq, bilek, qol, oń jambas, oń jilinshik, sol jaq tize jaraqaty. Qazirgi ýaqytta jaǵdaiy ortasha aýyr, turaqty. Nasharlap jatqan joq. Barlyq qajetti emdi tolyq kólemde alyp jatyr», - dep habarlady Qaraǵandy oblysynyń densaýlyq saqtaý basqarmasy.
