بٷگٸن تەمٸرتاۋ ماڭىندا جول اپاتى بولىپ, 36 جاستاعى ەر ادام مەن ونىڭ 10 جاسار ۇلى قازا تاپتى, دەپ حابارلايدى "ۇلت اقپارات".
جول-كٶلٸك وقيعاسى تاڭەرتەڭ نۇرقازعان كەنٸشٸ اۋدانىندا تەمٸرتاۋ قالاسىنا جاقىن ماڭدا بولدى.
جٷك كٶلٸگٸ مەن جەڭٸل كٶلٸكتٸڭ سوقتىعىسۋىنان 36 جاستاعى ەر ادام مەن ونىڭ 10 جاسار ۇلى كٶز جۇمعان.
28 شٸلدە كٷنٸ ساعات 09.00 شاماسىندا Lada Granta اۆتوكٶلٸگٸنٸڭ 40 جاستاعى جٷرگٸزۋشٸسٸ اقتاۋ كەنتٸ جاعىنان تەمٸرتاۋ قالاسىنا قاراي جىلجىپ, نۇرقازعان كەنٸشٸنە بۇرىلاتىن تۇستا 34 جاستاعى جٷرگٸزۋشٸ باسقارىپ وتىرعان نوWO اۆتوكٶلٸگٸمەن سوقتىعىسقان.
«ول شاحتاعا قاراي سولعا بۇرىلۋ مانەۆرٸن جاسادى. سوققىدان Lada Granta اۆتوكٶلٸگٸ جول شەتٸنە ۇشىپ كەتكەن. جول اپاتى سالدارىنان Lada Granta اۆتوكٶلٸگٸنٸڭ 36 جاستاعى جەنە 10 جاسار جولاۋشىلارى وقيعا ورنىندا كٶز جۇمدى»,-دەپ حابارلادى قاراعاندى وبلىسى پد باسپاسٶز قىزمەتٸ.
Lada Granta جٷرگٸزۋشٸسٸ مەديتسينالىق مەكەمەگە جەتكٸزٸلدٸ.
«ناۋقاس پوليجاراقات بٶلٸمٸنە مىناداي دياگنوزدارمەن جاتقىزىلدى: وڭ جاقتاعى جامباس سٷيەكتٸڭ وڭ قاناتىنىڭ جابىق سىنىعى, اسىقتى جٸلٸكتٸڭ ايدارشىق بۋىنىنىڭ جەنە وڭ جاق جٸلٸنشٸكتٸڭ اسىق جٸلٸك شىبىعىنىڭ پروكسيمالدى بٶلٸگٸنٸڭ جابىق سىنىعى, وڭ جاق تٸزە بۋىنىنىڭ گەمارتروزى, وڭ كەۋدە, وڭ يىق, بٸلەك, قول, وڭ جامباس, وڭ جٸلٸنشٸك, سول جاق تٸزە جاراقاتى. قازٸرگٸ ۋاقىتتا جاعدايى ورتاشا اۋىر, تۇراقتى. ناشارلاپ جاتقان جوق. بارلىق قاجەتتٸ ەمدٸ تولىق كٶلەمدە الىپ جاتىر», - دەپ حابارلادى قاراعاندى وبلىسىنىڭ دەنساۋلىق ساقتاۋ باسقارماسى.
