Foto: Polisia.kz
Temirtaýlyq kiberpol qyzmetkerleri zeinetkerden qomaqty aqsha alǵan eki “kýrerdi” ustady, – dep habarlaidy "Ult aqparat" Polisia.kz saityna silteme jasap.
15 tamyzda Temirtaý qalalyq politsiia basqarmasyna qarasty Eskiqalalyq politsiia bólimine 73 jastaǵy qala turǵyny júgingen. Jábirlenýshiniń aitýynsha, oǵan belgisiz bireý politsiia qyzmetkerimin dep habarlasyp, qyzy jol-kólik oqiǵasyna kináli ekenin jetkizgen. Tutqanyń arǵy jaǵyndaǵy azamat 73 jastaǵy zeinetkerge qyzyn jaýapkershilikke tartpaý úshin aqsha bereý kerektigin, ol aqshany berý úshin eshqaida baryp qajeti joqtyǵyn, “kýrer” alyp ketetinin aitqan.
Arada ýaqyt ótkende jábirlenýshi kýrerge 2,3 mln teńge, 4400 AQSh dollaryn, 7 myń evro jáne 220 myń rýbl aqshasyn bergen.
"Politsiia qyzmetkerlerimen kúdiktilerdi anyqtaý úshin aýqymdy is-sharalar júrgizildi. Atqarylǵan jumystardyń nátijesinde 18 tamyzda Qaraǵandy qalasyndaǵy saýda úileriniń birinde ornalasqan bank terminaldarynyń janynan 21 jastaǵy kúdikti ustaldy. Sondai-aq politsiia qyzmetkerlerimen jaldamaly páterlerdiń birinen onyń 23 jastaǵy seriktesi ustaldy. Páterge júrgizilgen tintý jumystary barysynda 370 myń teńge, 3700 AQSh dollary, 6 myń evro jáne 102 myń rýbl tárkilendi" - delingen habarlamada.
Qazirgi ýaqytta politsiia qyzmetkerleri kúdiktilerdiń osyǵan uqsas basqa da qylmysqa qatysy bar-joǵyn tekserip jatyr.
