Qaraǵandy oblysynyń Temirtaý qalasynda tanystar arasyndaǵy janjal adam ólimimen aiaqtaldy, dep habarlaidy ult.kz.
Oqiǵa Metallýrgter dańǵylyndaǵy páterlerdiń birinde bolǵan. Aldyn ala málimet boiynsha, qonaqqa kelgen 37 jastaǵy er adam úi iesimen janjaldasyp, ony pyshaqtaǵan. Aýyr jaraqat alǵan 33 jastaǵy páter iesi oqiǵa ornynda kóz jumdy.
Qaraǵandy oblystyq politsiia departamenti atalǵan fakti boiynsha qylmystyq is qozǵalǵanyn habarlady.
«Tanystar arasynda janjal týyndaǵan. Janjal kezinde 33 jastaǵy páter iesine pyshaq jaraqaty salynǵan, ol alǵan jaraqatynan oqiǵa ornynda qaitys boldy», – dep málimdedi politsiia ókilderi.
Kúdikti ustalyp, ýaqytsha ustaý izoliatoryna qamaldy. Qazirgi ýaqytta oqiǵanyń barlyq mán-jaiy anyqtalyp jatyr.
