Temirtaýda 12 mamyrdan bastap halyqqa qyzmet kórsetý ortalyqtary jumysyn jańǵyrtty. Alaida koronavirýstyq infektsiianyń taralý qaýpine bailanysty HQO ǵimarattaryna adamdar shaǵyn toppen kirgiziledi, dep habarlaidy QazAqparat.
Búgingi tańda memlekettik qyzmetterdiń 80%-dan astamy egov.kz portalynda elektrondyq formatqa kóshirilgen jáne qoljetimdi. Olardyń barlyǵyn óz betinshe nemese buryńǵydai HQO ǵimarattarynda emes, ákimdikter janyndaǵy front-keńselerde, oqý jáne meditsinalyq uiymdarda jáne t. b. ornalastyrylatyn ózine-ózi qyzmet kórsetý sektorlarynan alýǵa bolady.
Onlain-qyzmetterdi jyldam jáne yńǵaily alý úshin 1414 nómiri boiynsha habarlasýǵa bolady, onda sizge HQKO operatory keńes beredi.
Esterińizge sala keteiik, Qaraǵandyda da HQKO-nyń jumys tártibi ózgerdi. Ózgerister HQKO-da kórsetiletin memlekettik qyzmetterdiń túrlerine de, olardy usyný formatyna da qatysty boldy. Endi HQKO-da qaraǵandylyqtar tek elektrondyq formatta qol jetimdi emes qaǵaz túrindegi qyzmetterdi jáne pegov.kz ortalynda aldyn ala resimdelgen qyzmetterdiń nátijelerin alady.
HQKO 1414 nómiri nemese egov.kz portalyndaǵy arnaiy servisi arqyly aldyn ala brondaý boiynsha ǵana barýǵa bolady. Bul jańalyq tek Qaraǵandydaǵy halyqqa qyzmet kórsetý ortalyqtarynyń jumysyna qatysty bolyp otyr. Aýdan ortalyqtary men aýyldyq jerlerde ornalasqan HQKO-lar ózgerissiz jumys isteidi.
Aita ketý kerek, TJ rejimi kezinde qazaqstandyqtar elektrondyq úkimet portaly, egov.kz, eGovKzBot2.0 telegramm-boty jáne eGovMobile mobildi qosymshasy arqyly onlain-formatta 10,5 millionnan astam memlekettik qyzmet aldy.
