Temirtaý qalasynda Jedel den qoiý ortalyǵy reid jasaý barysynda karantin rejimin buzǵan oiyn-saýyq oryndary men saýda nysandaryn anyqtady. Mobildi top músheleri kólik jýý, TQS, kalian, barlar men dúkenderge erekshe nazar aýdardy, dep habarlaidy "Ult aqparat" Qaraǵandy oblysy ákiminiń resmi saityna silteme jasap.
Qalanyń ortalyq kósheleriniń birinde ornalasqan «Altyn» dúkeniniń ielerine 230 AEK (640 myń teńge) kóleminde aiyppul salynady. Dúken, karantin kezinde salynǵan tyiymǵa qaramastan, 22.00 keiin jumys istegen. Bul rette jedel áreket etý ortalyǵynyń qyzmetkerleri saýda zalyna kirer aldynda áleýmettik qashyqtyqty saqtamaityn adamdardyń kóp shoǵyrlanýyn baiqaǵan.
Qaraǵandy oblysynyń bas memlekettik sanitarlyq dárigeriniń qaýlysyn saqtamaǵany úshin Eclipse laýnj-barynyń jáne Prize avtokesheniniń ieleri de jazaǵa tartylady. Bul nysandar da túngi ýaqytta jumys istegen.
Esterińizge sala keteiik, Qaraǵandyda osyǵan deiin mobildik toptar karantin kezinde qyzmetine tyiym salynǵanyna qaramastan jumys istep turǵan nysandardy (kompiýterlik klýb, karaoke, kalian jáne t. b.) anyqtaǵan bolatyn.
