Almatyda 2020 jyldyń qarashasynan bastap koronavirýstyń jańa tolqynyna daiyndyq aiasynda megapolis ákimi Baqytjan Saǵyntaevtyń bastamasymen iske qosylǵan Telemeditsina ortalyǵynan 5 myńnan astam adam kómek alǵan, dep habarlaidy "Ult aqparat".
Ortalyqtyń negizgi mindeti - COVID-19 rastalǵan jaǵdailary bar úi karantinindegi patsientterdi baqylaý, baqylaý.
Ortalyqta 50 qyzmetker jumys isteidi, olar halyqqa táýlik boiy konsýltatsiialyq kómek kórsetedi. Ortalyq dárigerleri koronavirýsty emdeý máseleleri boiynsha beine keńes beredi. Kúnine 1200-1500 shyǵys jáne kiris qońyraýlary pysyqtalady.
«Eger bizge habarlasqan adamnyń koronavirýstyq infektsiiaǵa tán belgileri úshten kóp bolsa, biz olardy saralaimyz, tólqujat málimetterin jinaimyz. Keiin aýmaqtylyǵy boiynsha tekserý jáne PTR-testileý júrgizetin mobildi brigadany jiberemiz. Nátijesi oń bolyp shyqqan jaǵdaida mamandar tekseredi jáne aýrýhanaǵa jatqyzý nemese ambýlatorlyq deńgeide emdeý máselesi sheshiledi. Oqshaýlanatyndai jaǵdaiy bolmasa, infektsiialyq statsionarǵa jatqyzylady, al eger múmkindigi bolsa, adam 14 kúnge oqshaýlanady, onyń barysynda ol bizde qaralady. Bizde emhanalarǵa portal quryldy, onda bizge patsientter týraly, olardyń qansha ýaqyt úi karantininde ekendigi týraly barlyq derekter jiberiledi», - dedi Ortalyqtyń bas menedjeri Juldyz Baýyrjanqyzy.
Aýmaqtyq emhanalardyń dárigerleri patsientterdi tekserip, em taǵaiyndaidy. Ortalyq qyzmetkerleri osy patsientterdiń jaǵdaiyna baqylaý júrgizedi. Úi statsionaryndaǵy patsientterdiń jaǵdaiy nasharlaǵan kezde olar dereý aýrýhanaǵa jatqyzylady. COVID-19 rastalǵan jaǵdailary bar patsientter aýrýhanaǵa jatqyzylǵannan keiin de mamandardyń baqylaýynda bolady.
Bul ortalyqtyń taǵy bir fýnktsiiasy - patsientterdiń karantin rejimin saqtaýyn baqylaý. Ortalyq qyzmetkerleri patsientterge únemi beine qońyraý shalyp turady, olardyń emdelýin jáne úilerinen shyqpaýyn baqylaidy. Bul jumys baqylaýda turǵan patsientter arasynda karantindik rejimniń buzylýyn jedel anyqtaýǵa múmkindik beredi.
Búgingi tańda ortalyq mamandarynyń baqylaýynda 587 adam bar. Ashylǵannan beri barlyǵy 5 383 naýqas baqylaýda boldy. Osyǵan deiin ortalyq 14 349 kiris qońyraýyna qyzmet kórsetti.
