Tanymal bloger Aida Jeksen men QR Prezidentiniń eks-keńesshisi Oljas Qudaibergen ózderiniń Telegram-kanalynda saýalnama júrgizip, qazaqstandyqtardyń qai partiiaǵa kóbirek senim bildiretinin anyqtap kórdi, dep jazady "Jas Alash" gazeti.
Saýalnama nátijesi mynandai: 14 myńnan astam jazylýshysy bar JexeNews (Aida Jeksen) kanalynda júrgizilip jatqan saýalnamaǵa daýys bergenderdiń 80 paiyzy (7392 daýys) «Nur Otan» partiiasynyń aldyna túser saiasi uiym ázirge joq depti. Sondai-aq, OKChannel (Oljas Qudaibergen) kanaly jazylýshylarynyń 71% atalǵan partiiaǵa daýys bergen. Aita ketý kerek, Oljas Qudaibergenovtiń arnasynda saýalnama birneshe saǵat qana ashyq boldy, al Aida Jeksen óziniń Facebook-paraqshasynda jazba qaldyryp, saýalnamanyń aldaǵy Májilis sailaýyna deiin qosýly bolatynyn habarlady.
Aita keteiik, mundai onlain-daýys berý tamyz aiynda – praimerizdiń úgit-nasihat naýqany bastalǵanǵa deiin de ótkizilgen edi. Ol kezde ózge de Telegram-kanaldar, atap aitqanda, «ALIBEKOV» (55 670 jazylýshy), «ALIBEKOV» (55670 jazylýshy), «Kazahstan i vse-vse-vse» (3751), «Dom s paranormalnymi iavleniiami» (8892), «Kozachkovoffside» (10362) óz oqyrmandary arasynda «Siz qandai partiiany qoldaisyz? Eger sailaý qazir ótkizilse, siz kimge daýys beresiz?» degen saýalnama júrgizgen bolatyn.
Onlain daýys berýge barlyǵy 24 069 adam qatysty, bul Telegram-kanaldardyń qazaqstandyq jazylýshylarynyń 1/3 quraidy. Saýalnamalardyń qorytyndysy boiynsha, «Nur Otan» úshin 40-tan 69%-ǵa deiin daýys berildi. Bul rette, basqa partiialardyń daýysy is júzinde 10%-dan aspady.Aita ketý kerek, Telegram IT, ǵylym jáne ónerdi unatatyn shyǵarmashylyq qaýymnyń platformasy bolyp qala beredi. Bul – stýdentter, menedjerler men mamandar, joǵary bilimi bar orta tap.
