Qazaqstandyq telearnalardan «Qazaqfilm» qoryndaǵy 223 ulttyq film kórermenge aqysyz kórsetiledi, dep habarlaidy "Ult aqparat".
«Memleket qarjylandyrǵan filmdi jasaýshylar Ulttyq kinony qoldaý memlekettik ortalyǵynyń áleýmettik jelilerinde tikelei efir tsiklyn iske qosty. Sonymen qatar kúni búginge deiin jalpyǵa qoljetimdi formatta tek respýblikalyq uiymdardyń 160-qa jýyq kontserti men qoiylymy áleýmettik jelilerge júkteldi. Aldaǵy ýaqytta da bul jobalar óz jalǵasyn tabady. «Qazaqfilm» kinostýdiiasy resmi Youtube arnasyna «Altyn kino qor» jobasymen 1938-2002 jyldarǵa deiin túsirilgen 60-tan astam filmdi júktedi. Búgingi kúni osy Youtube arnasyndaǵy kórermen sany 10 millionnan asqanyn aita ketý kerek», - dedi Mádeniet jáne sport ministri Aqtoty Raiymqulova OKQ-da onlain rejimde ótken baspasóz máslihatynda.
Ministr sonymen qatar ár demalys kúnderi KTK telearnasynyń «Domashnii seans» kinomarafony aiasynda 15 jyl ishinde túsirilgen úzdik qazaqstandyq kartinalar 24 mamyrǵa deiin kórsetiletinin jetkizdi.
«Budan basqa ministrliktiń bastamasymen «Qazaqfilm» AQ qoryndaǵy 223 ulttyq film Habar, Qazaqstan, Elarna, Kazakh TV, KTK, Jetisý telearnalaryna aqysyz negizde berilip otyr», - dedi ol.
