Búginde eń mańyzdy máseleniń biri – aýyldyq jerlerdegi oqýshylardy qamtý. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Tańǵy 09:00-den bastap teledidar arqyly oqý bastaldy. Onyń aldynda bergen keste boiynsha jumys júrgize bastadyq. Balapan, El arna arqyly oqý josparyna sáikes sabaqtar ótti. Bul másele boiynsha kóp oqýshy qamtyldy dep aitýǵa bolady. Tiisti saýalnama júrgizgen bolatynbyz. Sol saýalnamaǵa súienetin bolsaq: internetpen jumys istegen balalardyń ózderi qosymsha retinde teledidardy da qarap, aqparat alǵandary týraly aitqan» - deidi QR Bilim jáne ǵylym ministri Ortalyq kommýnikatsiialar ortalyǵynda.
Onyń aitýynsha, eń mańyzdy máseleniń biri – aýyldyq jerlerdegi oqýshylardy qamtý.
«Búgin túske qarai birneshe eldi mekenderge telefon soǵyp, ata-analarmen, ustazdarmen sóilesip, aqparat aldym. Balapan, El arna telearnalary arqyly bilim alǵandary týraly jaqsy pikirler aitylyp jatyr. Osy telearnalar arqyly ary qarai ja jumysymyzdy júrgizetin bolamyz», - deidi Ashat Aimaǵambetov.
