Tele2/Altel katarlyqtarǵa 1 milliard dollarǵa satylatyn boldy

Sýret: ashyq derekkóz

Tsifrlyq damý, innovatsiialar jáne aeroǵarysh ónerkásibi ministri Jaslan Mádiev "osy uialy bailanys operatorynyń josparlary men mindettemelerine sáikes" satyp alýshynyń bazalyq infraqurylymǵa investitsiia salatynyn aitty.

Jaslan Mádievtiń sózinshe, Tele2 5G bazalyq stantsiialaryn salýǵa mindetteme alady. 

"Katarlyq jańa investordyń kelýi óte mańyzdy oqiǵa. Óitkeni ol jańa investitsiialardyń aǵynyn, jańa ataýdy tartý arqyly investorlyq bazanyń keńeiýin jáne jańa uialy bailanys operatorynyń naryqtaǵy básekelestigini arttyrady. Tranzaktsiia somasy shamamen 1 milliard dollar. Bazalyq infraqurylymǵa da investitsiia salý josparda bar. Bazalyq stantsiialardy salý jáne 5G bazalyq stantsiialaryn ornatý mindetteri bar. Bul básekelestiktiń kúsheiýine, al básekelestik, sapanyń artýyna ákeledi", – dedi ministr.

Ministr katarlyqtardyń kelýi internet sapasynyń jaqsarýyna jáne tarifterdiń tómendeýine kepildik bere me degen suraqqa da jaýap berdi.

"Meniń oiymsha, jańa investordyń mundai oiy joq. Bul Qazaqstan arqyly bizdiń óńirge shyǵýdyń uzaq merzimdi strategiiasynyń bir bóligi. Qazaqstan aimaqtaǵy basty tehnologiialyq hab. Sondyqtan Qazaqstan arqyly aimaqqa jańa investordyń kelýi oń belgi dep sanaimyn", – dedi ministr.

Qazaqstanda Tele2 jáne Altel brendterimen jumys isteitin "Mobail Telekom-Servis" JShS-niń satyp alýshysy "Qatar Power International Holding".

"Samuryq-Qazyna" qory men onyń enshiles uiymy "Qazaqtelekom" atalǵan holdingpen 2024 jyldyń aqpan aiynda ortaq kelisimge keldi. Katarda Toqaev pen Katar ámiri telekommýnikatsiia salasyndaǵy yntymaqtastyq týraly kelisimge qol qoidy.

Aita keteiik, buǵan deiin osy jyldyń mamyr aiynda "Qazaqtelekom" aktsionerleriniń jinalysynda Tele2 men Altel-di satý týraly sheshim qabyldanǵan edi. "Qazaqtelekom" 100 paiyzdyq úlesti satýǵa kelisken edi.