Foto: Unnews.com
AQSh-tyń ortalyq bóliginde ornalasqan Tehas shtatyndaǵy sý tasqyny saldarynan keminde 119 adam qaza tapty, al 161-den astam adam habar-osharsyz ketken, dep habarlaidy Ult.kz Sky News-ke silteme jasap.
Jergilikti biliktiń málimetinshe, joǵalǵan adamdardy izdeý-qutqarý jumystary jalǵasyp jatyr. Bul oqiǵa AQSh-taǵy sońǵy jarty ǵasyrdaǵy eń kóp adam ólimine ákelgen sý tasqyny retinde tirkelip otyr.
Eń qatty zardap shekken aimaq – Kerr okrýgi, munda keminde 95 adamnyń qaza tapqany belgili.
Tehas shtatynyń gýbernatory Greg Ebbott seisenbi keshkisin shtat boiynsha 173 adam iz-tússiz joǵalǵandar qatarynda ekenin málimdedi. Ol 14 shilde kúngi kún shyǵýyna deiin Tehas shtatynyń týyn tómen túsirýdi buiyrdy. Bul – sý tasqyny qurbandaryn eske alý belgisi.
Eske sala keteiik, alapat sý tasqyny juma kúni tańerteń San-Antonio qalasynan 140 shaqyrymdai soltústik-batysqa qarai ornalasqan aimaqta bolǵan. Qaiǵyly jaǵdai Gvadelýpe ózeniniń qatty nóser saldarynan arnasynan asyp ketýimen bailanysty.
