Tehas shtatynyń Grand Preri qalasynda shaǵyn ushaq apatqa ushyrap, eki adam qaza tapty, dep habarlaidy "Ult aqparat".
Jergilikti politsiia qyzmetiniń dereginshe, dúisenbide saǵat 14:54 shamasynda Grand Preridiń órt sóndirý qyzmeti shaǵyn jolaýshylar ushaǵynyń apatqa ushyraǵany týraly habar alǵan. Rastalǵan málimetterge sáikes, eki adam opat boldy», – delingen qalalyq ákimshiliktiń saitynda. «Ushaq Dentonnan (Tehas shtaty) ushyp shyǵyp, Grand Preiri mýnitsipaldy áýejaiyna qonǵan. Alaida áýege qaita kóterilgen ushaq birneshe minýttan soń qulady».
NBC telekompaniiasynyń habarlaýynsha, bortynda eki adamy bar ushaq telefon baǵanasyn ilip ketken. Ol shamamen 500 fýt (152 m) júrip ótip, avtomobilge soǵylǵan. Apat kezinde kólik ishinde bolǵan adam aýrýhanaǵa jetkizildi.
AQSh federaldy azamattyq áýe basqarmasy oqiǵa boiynsha tergeýdi bastady.
