AQSh-tyń Tehas shtatynda senbi, 3 tamyzda bolǵan atys kezinde 20 adam qaza tapty, 40-tan asa adam jaralandy. Oqiǵa Meksikamen shekaralas aýmaqtaǵy El-Paso qalasynda bolǵan. Bul aqparatty quqyq qorǵaý organdaǵy qupiia derekkózine súiengen ABC News arnasy habarlady.
Shabýyldaýshy adam ustalǵan. Onyń jurtty ne úshin atqany belgisiz. Politsiia birneshe shabýyldaýshy bolýy múmkin degen boljamdy joqqa shyǵardy.
Atys Walmart dúkeni mańyndaǵy kólikter turaǵynda bolǵan. Kýágerlerdiń sózinshe, kargo shalbaryn kigen shabýyldaýshy qulaǵynda qorǵaǵysh qulaqqap bolǵan. Arasynda bilep júrip qozǵalǵan. Dúkenge mańyzdy bir sharýamen júrgendei kirip barǵan.
Bul oqiǵa týraly habar alǵan AQSh prezidenti Donald Tramp Tehas gýbernatoryna federaldyq úkimet kómegin usynǵan. Aq úi tergeý barysyn muqiiat baqylap otyr.
Qaza tapqandar men jaralanǵandar sany boiynsha El-Pasodaǵy atys AQSh tarihyndaǵy eń qandy shabýyldar qataryna jatady.
