اقش-تىڭ تەحاس شتاتىندا سەنبٸ, 3 تامىزدا بولعان اتىس كەزٸندە 20 ادام قازا تاپتى, 40-تان اسا ادام جارالاندى. وقيعا مەكسيكامەن شەكارالاس اۋماقتاعى ەل-پاسو قالاسىندا بولعان. بۇل اقپاراتتى قۇقىق قورعاۋ ورگانداعى قۇپييا دەرەككٶزٸنە سٷيەنگەن ABC News ارناسى حابارلادى.
شابۋىلداۋشى ادام ۇستالعان. ونىڭ جۇرتتى نە ٷشٸن اتقانى بەلگٸسٸز. پوليتسييا بٸرنەشە شابۋىلداۋشى بولۋى مٷمكٸن دەگەن بولجامدى جوققا شىعاردى.
اتىس Walmart دٷكەنٸ ماڭىنداعى كٶلٸكتەر تۇراعىندا بولعان. كۋەگەرلەردٸڭ سٶزٸنشە, كارگو شالبارىن كيگەن شابۋىلداۋشى قۇلاعىندا قورعاعىش قۇلاققاپ بولعان. اراسىندا بيلەپ جٷرٸپ قوزعالعان. دٷكەنگە ماڭىزدى بٸر شارۋامەن جٷرگەندەي كٸرٸپ بارعان.
بۇل وقيعا تۋرالى حابار العان اقش پرەزيدەنتٸ دونالد ترامپ تەحاس گۋبەرناتورىنا فەدەرالدىق ٷكٸمەت كٶمەگٸن ۇسىنعان. اق ٷي تەرگەۋ بارىسىن مۇقييات باقىلاپ وتىر.
قازا تاپقاندار مەن جارالانعاندار سانى بويىنشا ەل-پاسوداعى اتىس اقش تاريحىنداعى ەڭ قاندى شابۋىلدار قاتارىنا جاتادى.
