AQSh-tyń shtatynda ornalasqan balalar lagerinde er adam qarýdan oq atty, dep habarlaidy QazAqparat NBC News-ke silteme jasap.
Oqiǵa Dallas okrýgi Dýnkanvill qalasyndaǵy Duncanville Fieldhouse sport kesheninde bolǵan. Onda 4 pen 14 jas aralyǵyndaǵy 250-ge jýyq bala júrgen. Olardyń eshqaisysy zardap shekken joq. Atys bastalǵannan keiin balalardyń bir bóligi qaýipsiz aimaqqa shyǵaryldy.
Qarýly er adam jastar sport ortalyǵynyń ǵimaratyna kirgen. Kireberiste oǵan kúzet qyzmetkeri qarsylyq kórsetken. Atystan keiin qarýly er adam balalar otyrǵan synyptyń ishimen ótip baryp, basty sportzalǵa kirgen. Sol jerde politseiler ony atyp óltirgen. Er adamǵa alǵashqy meditsinalyq kómek kórsetilgenimen, ol alǵan jaraqatynan aýrýhanada qaza tapty.
Aita keteiik, osydan úsh apta buryn Dýnkanvilden 350 shaqyrym jerde ornalasqan Iývald qalasyndaǵy bastaýysh mektepke qarýlanǵan er adam basa kóktep kirip, 19 bala men eki muǵalimdi óltirgen bolatyn.
