اقش-تىڭ شتاتىندا ورنالاسقان بالالار لاگەرٸندە ەر ادام قارۋدان وق اتتى, دەپ حابارلايدى قازاقپارات NBC News-كە سٸلتەمە جاساپ.
وقيعا داللاس وكرۋگٸ دۋنكانۆيلل قالاسىنداعى Duncanville Fieldhouse سپورت كەشەنٸندە بولعان. وندا 4 پەن 14 جاس ارالىعىنداعى 250-گە جۋىق بالا جٷرگەن. ولاردىڭ ەشقايسىسى زارداپ شەككەن جوق. اتىس باستالعاننان كەيٸن بالالاردىڭ بٸر بٶلٸگٸ قاۋٸپسٸز ايماققا شىعارىلدى.
قارۋلى ەر ادام جاستار سپورت ورتالىعىنىڭ عيماراتىنا كٸرگەن. كٸرەبەرٸستە وعان كٷزەت قىزمەتكەرٸ قارسىلىق كٶرسەتكەن. اتىستان كەيٸن قارۋلى ەر ادام بالالار وتىرعان سىنىپتىڭ ٸشٸمەن ٶتٸپ بارىپ, باستى سپورتزالعا كٸرگەن. سول جەردە پوليتسەيلەر ونى اتىپ ٶلتٸرگەن. ەر ادامعا العاشقى مەديتسينالىق كٶمەك كٶرسەتٸلگەنٸمەن, ول العان جاراقاتىنان اۋرۋحانادا قازا تاپتى.
ايتا كەتەيٸك, وسىدان ٷش اپتا بۇرىن دۋنكانۆيلدەن 350 شاقىرىم جەردە ورنالاسقان يۋۆالد قالاسىنداعى باستاۋىش مەكتەپكە قارۋلانعان ەر ادام باسا كٶكتەپ كٸرٸپ, 19 بالا مەن ەكٸ مۇعالٸمدٸ ٶلتٸرگەن بولاتىن.
