Áleýmettik jelilerde Tekelide lai kóshkininen qaza bolǵan qyz balanyń múrdesin jaqyndary máiithanadan ala almai jatyr degen jalǵan aqparat tarady, dep habarlaidy QazAqparat.
«Balanyń múrdesin máiithanadan aldyq. Erteń saǵat 10:00 shamasynda jerleimiz», - dedi qaza bolǵan balanyń anasy Gúlnár Tileýhan.
Tekeli qalalyq ákimdigi de balanyń denesin máiithanadan alý barysynda eshqandai qiyndyqtar bolmaǵanyn jetkizdi.
«Balanyń múrdesin Taldyqorǵandaǵy máiithanadan Tekelige alyp keldi. Ákimdik jerleý rásimin óz moinyna aldy. Qazir áleýmettik jelilerde balanyń múrdesin máiithanadan ala almai jatyr degen jalǵan aqparat taraýda. Sondyqtan halyqty resmi aqparattarǵa júginýdi suraimyz», - delingen Tekeli qalasy ákiminiń baspasóz qyzmetiniń habarlamasynda.
