Jetisý oblysynyń Tekeli qalasyndaǵy №8 mekteptiń aýlasyndaǵy qaraǵailardyń kesilýine turǵyndar qarsy shyqty. Osy jaittan keiin birden mektep direktory kesilgen aǵashtardyń ornyna jańasyn otyrǵyzyp, ony jaiqaltýǵa mindetteldi, - dep habarlaidy QazAqparat.
«Jas qaraǵailardy kesip tastady. Mektep aýlasymen júrý múmkin emes. Bul qaraǵailardy biz synyptastarymyzben 1989 jyly ózimiz otyrǵyzǵan bolatynbyz. Jas aǵash. Sumdyq-qoi!» - deidi qaraǵailardyń jappai kesilgenin videoǵa túsirgen avtor.
Tekeli qalasynyń ákimdigi osy jaitqa bailanysty bylai dep jaýap berdi.
«15 shildede qala ákiminiń bastamasymen Tekeli qalalyq Qoǵamdyq keńesiniń kezekten tys otyrysy ótkizildi. Jiynda №8 orta mektebiniń aýmaǵynda oryn alǵan másele (quzyrly organdardyń ruqsatynsyz aǵashtardy kesý boiynsha) talqylandy. Otyrysta Tekeli qalasynyń ákimi B.Moldahmetov, máslihat hatshysy N.Kalinovskii, bilim bólimi basshysy N.Estibaev, politsiia bólimi basshysynyń orynbasary A.Bitaev, №8 orta mektebiniń direktory J. Jakpekova jáne jergilikti BAQ ókilderi pikirlerin ortaǵa saldy.
Jiyn sońynda mektep direktoryna zań aiasynda shara qoldanylyp, kesilgen aǵashtardyń ornyna 10 eselengen mólsherde kóshetter otyrǵyzyp, onyń kógaldanyp ósýin qadaǵalaý usynyldy», - delingen Tekeli qalasy ákiminiń baspasóz qyzmeti taratqan habarlamada.
