جەتٸسۋ وبلىسىنىڭ تەكەلٸ قالاسىنداعى №8 مەكتەپتٸڭ اۋلاسىنداعى قاراعايلاردىڭ كەسٸلۋٸنە تۇرعىندار قارسى شىقتى. وسى جايتتان كەيٸن بٸردەن مەكتەپ ديرەكتورى كەسٸلگەن اعاشتاردىڭ ورنىنا جاڭاسىن وتىرعىزىپ, ونى جايقالتۋعا مٸندەتتەلدٸ, - دەپ حابارلايدى قازاقپارات.
«جاس قاراعايلاردى كەسٸپ تاستادى. مەكتەپ اۋلاسىمەن جٷرۋ مٷمكٸن ەمەس. بۇل قاراعايلاردى بٸز سىنىپتاستارىمىزبەن 1989 جىلى ٶزٸمٸز وتىرعىزعان بولاتىنبىز. جاس اعاش. سۇمدىق-قوي!» - دەيدٸ قاراعايلاردىڭ جاپپاي كەسٸلگەنٸن ۆيدەوعا تٷسٸرگەن اۆتور.
تەكەلٸ قالاسىنىڭ ەكٸمدٸگٸ وسى جايتقا بايلانىستى بىلاي دەپ جاۋاپ بەردٸ.
«15 شٸلدەدە قالا ەكٸمٸنٸڭ باستاماسىمەن تەكەلٸ قالالىق قوعامدىق كەڭەسٸنٸڭ كەزەكتەن تىس وتىرىسى ٶتكٸزٸلدٸ. جيىندا №8 ورتا مەكتەبٸنٸڭ اۋماعىندا ورىن العان مەسەلە (قۇزىرلى ورگانداردىڭ رۇقساتىنسىز اعاشتاردى كەسۋ بويىنشا) تالقىلاندى. وتىرىستا تەكەلٸ قالاسىنىڭ ەكٸمٸ ب.مولداحمەتوۆ, مەسليحات حاتشىسى ن.كالينوۆسكيي, بٸلٸم بٶلٸمٸ باسشىسى ن.ەستٸباەۆ, پوليتسييا بٶلٸمٸ باسشىسىنىڭ ورىنباسارى ا.بيتاەۆ, №8 ورتا مەكتەبٸنٸڭ ديرەكتورى ج. جاكپەكوۆا جەنە جەرگٸلٸكتٸ باق ٶكٸلدەرٸ پٸكٸرلەرٸن ورتاعا سالدى.
جيىن سوڭىندا مەكتەپ ديرەكتورىنا زاڭ اياسىندا شارا قولدانىلىپ, كەسٸلگەن اعاشتاردىڭ ورنىنا 10 ەسەلەنگەن مٶلشەردە كٶشەتتەر وتىرعىزىپ, ونىڭ كٶگالدانىپ ٶسۋٸن قاداعالاۋ ۇسىنىلدى», - دەلٸنگەن تەكەلٸ قالاسى ەكٸمٸنٸڭ باسپاسٶز قىزمەتٸ تاراتقان حابارلامادا.
