© instagram/taldykorganec.insta
Áleýmettik jelilerde Tekeli qalasynda kóshkin júrgen sátti túsirgen kýágerlerdiń videosy paida boldy, - dep habarlaidy Tengrinews.kz tilshisi.
Bir videoda taý jotasynan lai kóshkini júrgenin baiqaýǵa bolady. Jaqyn jerde júrgen adamdar qashady. Basqa videoda kóshkin qashyqtan túsirilgen.
Kóshkin kezinde qaza tapqan bes jasar qyz Janbota Qanatqyzynyń esimi belgili boldy.
"Balanyń ata-anasy lai massasynyń júrýi kezinde monshada bolǵan. Qyzdyń ákesiniń aitýynsha, ol kóshede qorqynyshty daýysty estigende aýlaǵa júgirgen, biraq onyń úiin tolqyn shaiyp ketken, onyń ishinde kenje qyzy bolǵan. Úlkeni, altynshy synyp oqýshysy kóshkin kezinde ájesiniń janynda kórshi aýylda bolǵan. Qazir qyzdardyń ata-anasy aýrýhanada, olarmen psihologtar jumys isteidi", - dep jazdy Instagram paraqshasynda jýrnalist Sandýǵash Dúisenova.
Qaza bolǵan qyz Janbota Qanatqyzy. © instagram/kaskelenkz
Eske salaiyq, 15 mamyrda Tekelide qatty jaýyn-shashyn saldarynan kóshkin júrgen edi. Balshyq massasynyń astynda bes úi qalǵan, olardyń bireýi tolyǵymen qirady. Dál osy úide qaza bolǵan bala turǵan. Sonymen qatar, kóshkin ortalyq kóshelerdiń birin jaýyp tastady.
Joǵalǵan qyzdy izdeý operatsiiasy birneshe saǵatqa sozyldy. Operatsiiaǵa 200 adam jumyldy. Úi úiindisiniń astynan máiitti tabý úshin qutqarýshylarǵa kinologtardyń qyzmettik iti kómektesti.
