Tekeli qalasynda politsiia qyzmetkerleri áke men balaǵa shabýyl jasady degen kúdikpen er adamdy ustady, jábirlenýshilerdiń biri aýrýhanada qaitys boldy, dep habarlady Sputnik tilshisi.
Almaty oblystyq politsiia basqarmasynyń baspasóz qyzmeti aqparatty rastap, derek 8 aqpanda tirkelgenin habarlady.
Belgili bolǵandai, áke men ul dúkenderdiń biriniń janynda er adammen janjaldasyp qalǵan. Tóbeles kezinde belgisiz jan qolyna pyshaq alyp, qarsylastaryn urǵan. 53 jastaǵy er adam pyshaq jaraqatynan qaitys boldy, onyń 27 jastaǵy uly meditsinalyq kómek kórsetilgennen keiin úiine jiberildi.
Politsiia kúdiktini ustaǵany málim boldy, qazir ol ýaqytsha ustaý izoliatorynda otyr. QR Qylmystyq kodeksiniń 106-babyna ("Jábirlenýshiniń ólimine ákep soqtyrǵan qasaqana aýyr dene jaraqatyn salý") sáikes, aldyn-ala tergeý júrgizilip jatyr.
Tergeý barysynda qylmystyń barlyq mán-jaiy anyqtalady.
