Áleýmettik meditsinalyq saqtandyrý júiesi boiynsha tegin stomatologiialyq kómekti kimder ala alatynyn Meditsinalyq saqtandyrý qorynyń Qaraǵandy oblystyq filialynyń mamandary aityp berdi, dep habarlaidy "Ult aqparat".
Shuǵyl stomatologiialyq kómekti kelesi sanattaǵy azamattar ala alady:
- 18 jasqa deiingi balalar;
- júkti áielder;
- UOS qatysýshylary;
- 1,2,3 jáne 4 toptaǵy múgedekter;
- «Altyn alqa» jáne «Kúmis alqa» alǵan analar;
- ataýly áleýmettik kómek alýshylar;
- zeinetkerler (jasy boiynsha);
- infektsiialyq, áleýmettik mańyzy bar aýrýlarmen aýyratyn naýqastar.
«Shuǵyl stomatologiialyq kómekke jiti aýyrsyný jaǵdailary jatady. Kómek himiialyq qataiý kompozittik materialdarynan jasalǵan jansyzdandyrý, preparattaý jáne plomba salý, jansyzdandyrý arqyly tisti julyp tastaý, periostotomiia, abstsessterdi ashý jatady», - dep túsindirdi Meditsinalyq saqtandyrý qorynyń Qaraǵandy filialy bóliminiń bas sarapshysy Janar Rakisheva.
Josparly tegin stomatologiialyq kómekti (ortodontikalyq jáne ortopediialyq kómekten basqa) dárigerdiń joldamasy boiynsha 18 jasqa deiingi balalar men júkti áielder ala alady.
