Tegin dári-dármekpen qamtamasyz etý máseleleri jónindegi bailanys ortalyǵy 1439 qysqa nómiri boiynsha qalalyq jáne de uialy telefondar úshin qoljetimdi boldy.
Bailanys ortalyǵynyń operatorlary júgingen patsientterge tegin taratylatyn qajetti dári-dármekterdi jetkizý merzimi men kúni týraly aqparat beredi. Bailanys ortalyǵynyń operatorlary árbir shaǵymdy egjei-tegjeili taldaidy, dári-dármek alýda irkilis sebepterin anyqtaidy, al Biryńǵai distribiýtordyń óńirlik ókilderi meditsinalyq uiymdarmen birlesip, dárihanalarǵa qajetti preparattardy jedel jetkizýdi uiymdastyrady.
«SQ-Farmatsiia» JShS Basqarma tóraǵasynyń mindetin atqarýshy Berik Sháriptiń aitýynsha, bailanys ortalyǵy iske qosylǵan sátten bastap 1439 qysqa nómirine 10 myńnan astam qońyraý kelip tústi, onyń ishinde aǵymdaǵy jyldyń birinshi toqsanynda 5 myńnan astam qońyraý kelip tústi.
«Bailanys ortalyǵynyń operatorlary dári-dármekterdiń túsý merzimi týraly aqparat berip qana qoimai, sondai-aq, tipti eger emhananyń ózi qandai da bir sebeppen dári-dármektiń kólemine tapsyrys bermese nemese jetkiliksiz tapsyrys berse de, ótinimdi qalyptastyrý jáne tez arada jetkizýdi uiymdastyrý máselesin sheshý úshin birden irkilister baiqalatyn meditsinalyq uiymmen bailanysady», - dep túsindirdi Berik Shárip.
Biryńǵai distribiýtor basshysynyń aitýynsha, aimaqtyq ókilder máseleniń sheshilgeni týraly bailanys ortalyǵyn habardar etkennen keiin jáne dári-dármekpen qamtamasyz etýdiń aqparattyq júiesinde preparattardyń bosatylýy kórsetilse de, bailanys ortalyǵynyń operatorlary patsienttiń dári-dármekti alǵanyn monitoring jasaý úshin qaitadan bailanysady.
«Biz úshin árbir preparattyń óz patsientine jetýi jáne qazaqstandyqtardyń TMKKK sheńberinde ózderine tiesili barlyq dári-dármekterge erkin qol jetkizýi mańyzdy, sondyqtan halyqpen keri bailanysqa kóp kóńil bólemiz», - dep atap ótti Berik Shárip.
