Foto: © Tengrinews.kz 2024. Týrar Kazangapov / Áleýmettik jeli
Áielin asa qatygezdikpen óltirgeni úshin 24 jylǵa sottalǵan eks-ministr Qýandyq Bishimbaevtyń ekinshi nekesinen týǵan balalary tegin aýystyrmaq. Bul týraly onyń burynǵy áieli Nazym Qaharman áleýmettik jelidegi paraqshasynda aitty, - dep habarlaidy «Ult aqparat» Massaget.kz-ke silteme jasap.
Nazym Qaharman balalary ákesiniń jaǵdaiyn qabyldaǵanyn aitady.
"Men ózin-ózi jaqsy kórýdi úiretemin. Áke, árine, máńgilikke áke bolyp qala beredi, odan eń jaqsysyn alady, ómiri úshin alǵys aitady da ákesiniń adam óltirgenin, óz ómirin qurtyp, balalaryn osyndai jaǵdaiǵa túsirgenin qabyldaidy. Ashýlanady, qaiǵyrady, jylaidy jáne jiberýge tyrysady. Ákesiniń óz joly bar, al balalar ákesi úshin jaýap bermeidi, olar ony tárbielemedi, bul ómirge ákelgen joq. Ony qoldaýǵa jáne súiýge mindetti emes. Bul biz, ata-analar, balalar aldynda jaýaptymyz", - dep jaýap berdi ol.
Sondai-aq, ol balalary tegin ózgertkisi keletinin jazdy.
"Árine, qalaidy. Tegi tanymal boldy. Bishimbai-atanyń ózi jaqsy adam bolǵan, biraq, ókinishke qarai, Qýandyq arǵy atasynyń esimi men estelikterin masqaralap, qorlady", - dep jazdy ol.
