«Eńbek mobildigin arttyrý boiynsha biylǵy jyly 699 adam joǵary ekonomikalyq áleýeti bar eldi mekenderge kóshirildi, onyń 50%-y turaqty jumyspen qamtyldy», – dep baiandady T. Dúisenova.
Sonymen qatar, úshinshi baǵytta 5 210 adam kásibi mobildiligin arttyrý úshin tegin oqý múmkindigin aldy. Olar sondai-aq turǵylyqty jerine jáne jol aqysyna sýbsidiia túrinde memlekettik qoldaýǵa ie boldy. 3761 qatysýshy oqýyn aiaqtady. 25,5 myńnan astam maqsatty toptardyń ókilderi áleýmettik jumys oryndaryna jáne jastar is-tájiribesine ornalastyrylǵan.
Jyl basynan beri «Jumyspen qamtý» baǵdarlamasy aiasynda 116 myń adamǵa jumysqa ornalasý boiynsha qoldaýǵa ie bolǵan. Onyń 70 paiyzy nemese 81 myń adam turaqty jumysqa jáne 30 paiyzy ýaqytsha jumysqa ornalastyryldy.
Ministr baiandaǵandai, BQO, Qaraǵandy, Almaty, Pavlodar oblystarynda adamdardy turaqty jumysqa ornalastyrý deńgeii tómen.
Jalpy alǵanda, 1 qyrkúiektegi jaǵdai boiynsha, 210,9 myń jańa jumys orny quryldy, aýyldyq jerlerde – 102,9 myń. Jumys oryndarynyń basym bóligi saýda oryndarynda quryldy – 25,6 myń, qurylysta – 22 myń, ónerkásipte – 16,1 myń. Jańa jumys oryndarynyń jalpy sanynyń 63,2% – turaqty, qalǵandary – ýaqytsha jáne maýsymdyq.
