"Tájik biliginiń málimdeýinshe, Aýǵanstannyń Qundyz provintsiiasyndaǵy turaqsyz jaǵdaiǵa bailanysty, Tájikstannyń shekaralas áskeri asa joǵary daiyndyq júiesine kóshti", - dep habarlaidy "Ult aqparat" centralasian.org agenttigine silteme jasap.
Mekemeniń baspasóz hatshysy Muhammad Ýlýghodjaevtyń habarlaýynsha, tájik biligi Aýǵanstan úkimet kúshteri men Taliban qozǵalysy arasyndaǵy keskilesken aiqastardan habardar boldy.
Ázirge Tájikstan shekarasyna qaýip tóndi deýge erte, deidi ol. Degenmen, qorǵanystyń alǵashqy jelisine - shekarashylar, al ekinshisine - Tájikstan qorǵanys ministrliginiń áskeri ornalastyryldy. Qajet bolǵan jaǵdaida, olar shekarashylarǵa kómekke keledi.
3 qazanda túnde Taliban kúshteri Qundyz qalasyna úlken kúshpen shabýyldai bastady. Bul - Aýǵanstandaǵy Qundyz provintsiiasynyń ortalyǵy. Qundyz provintsiiasy Tájikstannyń ońtústigimen shekaralas jatyr.
Soǵys kezinde úkimet kúshteri úlken shyǵynǵa ushyrady. Osydan týra bir jyl buryn Taliban áskeri dál osy Qundyz qalasyna shabýyl jasaǵan bolatyn. Sol kezde sodyrlarlardyń qaladaǵy biligi úsh kúnge sozylǵan edi.
