Tájikstannyń 5,8 million turǵyny koronavirýsqa qarsy vaktsina alýy kerek, dep habarlaidy Hovar agenttigi.
Keshe keshke Tájikstanǵa koronavirýsqa qarsy AstraZeneca vaktsinacynyń alǵashqy partiiasy jetkizildi. Vaktsinanyń 192 myń doza alǵashqy partiiasy Úndsitan astanasy Deliden arnaiy «Somon Eir» reisimen jetkizildi.
Tájikstan Densaýlyq saqtaý ministrligi vaktsinanyń qalǵan bóligi jaqyn arada elge birtindep jetkiziletinin atap ótti. Respýblika COVID-19 eýropalyq vaktsinasyn COVAX baǵdarlamasy aiasynda aldy.
Osy maqsatta Tájikstanǵa AstraZeneca vaktsinasynyń 732 myń dozasy beriledi jáne birinshi kezekte el halqynyń 20%-yn vaktsinalaý josparlanyp otyr. Vaktsinany eń aldymen, 70 jastan asqan adamdar, sozylmaly infektsiialyq emes aýrýlary bar adamdar, densaýlyq saqtaý salasynyń qyzmetkerleri, áskeri qyzmetshiler sekildi halyqtyń neǵurlym osal toptary alýy tiis.
Ekinshi kezeńde Tájikstanda vaktsinadan 60 jastan asqan, sodan keiin 50 jastan asqan adamdar ótedi, bul – 1,8 millionnan astam adam. Bul rette 18 jasqa deiingiler tizimge áli kirmeidi. Halyqtyń qalǵan 42,5%- y elge basqa jaqtardan keletin preparattarmen egiledi. Olar Qytai nemese Reseide óndirilgen bolýy múmkin.
Osylaisha, úshinshi kezeńde 3,9 million adam vaktsina alady. Jalpy alǵanda, Tájikstannyń 5,8 million turǵyny koronavirýsqa qarsy vaktsinatsiiadan ótýi kerek.
