Tájikstan elshiligi Reseidiń syrtqy ister ministrligine 21 jastaǵy Amirsho Hýseinovtiń skinhedtermen tóbelesten soń ustalýyna bailanysty narazylyq notasyn joldady. Hýseinovtiń týystary ony jábirlenýshi dep sanaidy, alaidy Resei biligi tájik azamatyn buzaqylyq jasady dep aiyptaǵan.
Tájikstannyń Reseidegi elshisi Imomýddin Sattoridiń 29 maýsymda Ozodi radiosyna habarlaýynsha, elshilik joldaǵan notada Resei biliginen oqiǵany ádil tekserýin suraǵan.
Kýágerlerdiń aitýynsha, 23 maýsymda keshke skinhedter Tolbýhin kóshesinde "Resei orystar úshin, Máskeý máskeýlikter úshin!" dep urandatyp, basqa ult ókilderiniń namysyna tigen. Skinhedtermen daǵystantandyqtar men tájik azamaty tóbelesken. Politsiia birneshe adamdy ustaǵan, olardyń arasynda Amirsho Hýseinov te bar.
Tájik elshisiniń habarlaýynsha, elshilik Hýseinovti qorǵaityn advokat jaldaǵan. Elshilik ókilderi Reseidiń tergeý komiteti qyzmetkerlerimen kezdesip, oqiǵanyń mán-jaiyn surastyrǵan. "Qamaýdaǵy tájik azamatyna kómek kórsetiledi", dedi Sattori.
REN TV telearnasynyń habarlaýynsha, tóbeleste jaralanǵan birneshe ultshyl aýrýhanaǵa túsken.
Tanymal adam quqyqtaryn qorǵaýshy Valentina Chýpik politsiia skinhedterdi bosatyp jibergenin, al ultshyldyqqa qarsy shyqqandardyń ústinen qylmystyq is qozǵaldy dep jazdy.
Habarlarǵa qaraǵanda, Tájikstan azamaty Amirsho Hýseinov qazir Máskeýdegi tergeý izoliatorynda otyr.
