Elde koronavirýs baryn birneshe apta boiy joqqa shyǵaryp kelgen Tájikstan alǵash ret virýstan eki naýqas qaitys bolǵanyn habarlady. Tájikstannyń memlekettik telearnasy 2 mamyrda koronavirýs juqqan eki naýqastyń kóz jumǵanyn aitty. Naýqastar týraly qosymsha málimet aitylmaidy.
Tájikstan biligi 30 sáýirde alǵash ret elde koronavirýs baryn moiyndaǵan. Sońǵy málimet boiynsha, munda 70 adamnan koronavirýs anyqtalǵan. Kórshi Ózbekstanda naýqastar sany 2 myńnan asqan. Al Túrkimenstan - Ortalyq Aziia aimaǵynda resmi túrde koronavirýs tabylmaǵan jalǵyz memleket.
Tájikstan úkimetiniń virýs týraly aqparatty jasyratyny jaily habarlama birneshe apta boiy taraǵan. Biyl alǵashqy tórt aida elde pnevmoniiaǵa shaldyqqandar sany ótken jyldyń alǵashqy tórt aiymen salystyrǵanda shamamen 20 paiyzǵa artqan. COVID-19 aýrýynyń aýyr túri kei kezde pnevmoniiaǵa soqtyrady.
Ortalyq Aziianyń ózge memleketterinde koronavirýs indetiniń taraǵanyna qaramastan prezident Emomali Rahmon shekteý sharalary men oqshaýlaý rejimin engizý týraly halyqaralyq sarapshylar keńesine qulaq túrmegen. Biliktiń profilaktikalyq sharalar engizbeýi qajetti dárejede qarjylandyrylmaǵan nashar jabdyqtalǵan densaýlyq saqtaý salasyna qaýip tóndirýi múmkin edi.
Qazir úkimet infektsiianyń taraýyna jol bermes úshin keibir amaldardy qoldanyp jatyr. "Hovar" memlekettik aqparat agenttigi 30 sáýirde koronavirýspen kúres jónindegi shtab azamattardy úiden qorǵanysh maska taǵyp shyǵýǵa mindettedi dep habarlady.
Ótken aptada úkimet mektepterdi eki aptaǵa jaýyp, fýtbol matchtaryn toqtatqan.
Álem elderine indetpen kúresýge kómektesip jatqan Dúniejúzilik densaýlyq saqtaý uiymynyń sarapshylary Tájikstanǵa 2 mamyrda kelýi tiis bolǵan.
