Foto: Polisia.kz
Tájikstan azamattary óz jerlesterin urlap, aqsha talap etken, – dep habarlaidy "Ult aqparat" Polisia.kz saityna silteme jasap.
32 jastaǵy M. esimdi Tájikstan azamatynyń joǵalyp ketkeni týraly politsiiaǵa onyń jerlesi aryzdanǵan. Er adamnyń aitýynsha, M. esimdi azamat 13 tamyzda dosymen kezdesýge ketip, qaityp oralmaǵan.
"Jedel tergeý toby quryldy. QR QK-niń 125-baby (Adamdy urlaý) boiynsha qylmystyq is tirkeldi.
Eń aldymen, M. esimdi azamatty urlap ketkendigin, sodan keiin biz ony qai jerde qamaýda ustalǵanyn bildik. Jalǵa alynǵan páter Almatynyń Medeý aýdanynda ornalasqan.
Politsiia arnaiy jasaqtarynyń kómegimen arnaiy is-shara júrgizildi. 20 myń dollar kóleminde ótemaqy talap etý úshin otandasyn urlap ketken Tájikstannyń alty azamaty ustaldy. Olar ony uryp-soǵyp, búkil protsessti videoǵa túsirgen", – deidi Almaty qalalyq PD uiymdasqan qylmysqa qarsy kúres basqarmasynyń bastyǵy Janat Nurǵaliev.
Kúdiktiler ÝUI-ǵa qamaýǵa alyndy.
QR QPK-niń 201-babyna sáikes, ózge aqparattar tergeý múddesine orai jariialaýǵa jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáikes, zańdy kúshine engen sot úkimimen belgilengenge deiin árbir adam qylmystyq quqyq buzýshylyq jasaýda kinásiz dep tanylady.
